三年前把第3代15GB iPod帶回家，一心想著要好好愛護這奢侈品。想不到剛滿3年就要準備換機，說來還是因為自己粗心大意。
事緣前日在出門前準備sync一下iPod，卻不小心一腳絆到連接線，直接把iPod從離地約70cm的高度重重摔個正著。這種拖落地的力度比自然滑落的大得多，結果硬碟就摔壞了…
雖然iPod本身還可以播歌，但反應時間明顯變慢，也頻密死機，最重要是接到電腦後也探測不到。換言之，是無法再加入新歌了。
還好近9GB的音樂庫在電腦都完好無缺，之前備份在iPod的檔案也在電腦中。目前的影響是新歌不能帶出街聽，而且smart playlist也無法再更新。
那為何不拿去修理？很久前已聽說Apple的維修服務絕不便宜，單是檢查已經要收費，估計檢查連修理的金額會是iPod本身售價一半左右…
而現在一部30GB可看影片的彩屏iPod，機身更薄更小巧，電量更多，售價還要比我三年前買的這部更低。付錢修理，感覺不化算。
那為何不直接去買部新的？iPod雖好，但現在的市場比起三年前，也有能與iPod較量的選擇了。不做做功課就直接掏腰包，不是我的作風。=P
若然各位有什麼好推介，也請不妨告知一下，讓我好好作參考。
果然精打細算,
可惜我好少聽mp3,
最多都係有部人哋送畀我的舊款雜嘜,
得500M,
但我己經好夠用了,
我來來去去都係聽十首八首歌,
有新嘅就換歌囉,
好少把全部歌一次放哂入去,
其實都聽唔哂啦,
所以我從來都無諗過買IPOD之類的產品啊,
係唔係好OUT呢? 😛
其實我都一樣唔需要用到咁大容量
通常3GB至4GB都夠放我要聽既歌
不過大容量亦有佢既好處
就算唔用作portable harddisk, 都可以backup晒D歌~
另外其實你一D都唔out喎~
消費者需求多樣化, 所以應該係由公司開拓市場
iPod系列都有mini, nano, shuffle啦
我用開Creative Zen Vision:M 30Gb, 聽聞依家已經出到60gb﹐都幾好用。
不過你用開ipod/itunes, 搬library未免太麻煩吧﹖(itunes唔support其他mp3 player﹐只support ipod) 你無得揀架啦﹐買ipod啦﹗
哈… 我都唔知原來iTunes只可以配iPod
初初以為其他mp3 player支援多種software library添…
咁或者睇定D就再買iPod啦…